Azərbaycanın yeniyetmə karateçiləri Rusiyanın Oryol şəhərində keçirilmiş "Karat Cup" beynəlxalq turnirində 5 medal qazanıblar.

Apasport.az xəbər verir ki, "Jaguar" İdman Klubunun idmançılarından Şamo Kamilov (+70 kq) gümüş, Murad Dinç (70 kq), Bəhman Orucov (57 kq) və Sultan Səlimov (52 kq) şəxsi kumite yarışlarında bürünc mükafata sahib çıxıblar.

Komanda kumite yarışlarında Şamo Kamilov, Murad Dinç, Bəhman Orucov və Sultan Səlimov bütün rəqiblərini qabaqlayaraq qızıl medala yiyələniblər.

Qeyd edək ki, beynəlxalq turnirdə 5 ölkədən (Rusiya, Azərbaycan, Belarus, Qazaxstan və Ermənistan) 500-ə yaxın karateçi mübarizə aparıb.

• Karateçilərimiz Qran-Pri turnirində medal sıralamasında birinci yeri tutub
• Azərbaycan Karate Federasiyası və AHİTA arasında görüş keçirilib
• Azərbaycan Karate Federasiyası WKF-yə rəsmi üzv qəbul edilib
• Azərbaycan millisində yeni təyinat
• Yığmamızın baş məşqçisinə Avropa çempionatının xatirə medalı təqdim olunub