Azərbaycan karateçisi Fərid Savadov Macarıstanın Mişkolts şəhərində keçirilən Avropa Universitet Oyunlarında qızıl medal qazanıb.

Apasport.az xəbər verir ki, 60 kiloqram çəki dərəcəsində mübarizə aparan idmançı finalda macar Andras Laslon üzərində qələbə qazanıb. 

Heyəti Fərid Savadov, Ramil Baxşəliyev, Nicat Kərimli, Vahid Həsənov və Osman Osmanlıdan təşkil olunmuş komanda isə yarışı ikinci pillədə başa vurub.

Qeyd edək ki, daha əvvəl Aysu Əliyeva, Renata Ərəbli, Suada Kərimova və Fatimə Cəbrayılovadan ibarət kollektiv Azərbaycanın aktivinə bürünc medallar yazdırıb.

• Karateçilərimiz Xorvatiyaya yollanıb
• AKF-də yeni təyinat reallaşıb
• Milli qəhrəmanın xatirəsinə həsr edilən karate turniri keçirilib
• Milliyə yeni baş məşqçi təyin edildi
• Fudokan komandamız AÇ-də