İngiltərə Premyer Liqasında oyunların təxminən yarısında hər iki komanda qol vurub.

Apasport.az saytının məlumatına görə, arxada qalan 187 matçın 95-də hər iki tərəf rəqib qapısına yol tapıb.

Bu bütün görüşlərin 50,8 faizidir. Q/Q ilə nəticələnməyən qarşılaşmalar isə 49,2 faizdir.

Komandaların göstəriciləri də bəllidir. Proqnozsevərlər Q/Q daha çox “Fulhem”dən gözləyə bilər. Londonlular matçların 70 faizində həm vurub, həm də buraxıb. “Lids”lə “Liverpul” ikinci sıranı bölüşür.

“Bornmut”la “Nottinhem Forest” isə ən az Q/Q oynayan klublardır. Onların göstəricisi 32 faizdir.

Turnir cədvəlinin liderlərinin isə Y/Q və ya Q/Q bağlılığı yoxdur. İlk “beşlik”də qərarlaşan komandaların göstəriciləri 40-60 faiz aralığındadır. Söhbət “Arsenal”, “Mançester Siti”, “Nyukasl”, “Mançester Yunayted” və “Tottenhem”dən gedir.