Azərbaycan Şahmat Federasiyası yeni loqosunu təqdim edib. 

Apasport.az xəbər verir ki, yeni loqo “AŞF” abbreviaturasıyla diqqəti cəlb edir.

“A” hərfinin içərisində piyada, “F” hərfinin içərisində isə vəzir fiquru siluet kimi verilib. Abbreviaturanın fonunda şahmat taxtası zərif naxış kimi loqoya şahmat mövzusunu əlavə edir. 

Minimalist və müasir yanaşma tünd göy rəngi ilə etibar və ciddilik yaradır. Loqoda piyada və vəzir fiqurlarının inteqrasiyası şahmatın strategiya, səbr və liderlik fəlsəfəsini simvolizə edir. 

Loqodakı mesaj belədir: hər piyada vəzir ola bilər. Piyadadan vəzirə, gedişdən ustalığa doğru. Hər uşaq, hər həvəskar, hər şahmatçı məqsədə çata bilər. Piyadayla başlanan yol vəzirlə davam edərək qələbəyə doğru irəliləyir.

• Kişi şahmatçılarımız Yunanıstanı böyük hesabla məğlub edib
• Qadın şahmatçılarımız erməni rəqiblərinə məğlub oldular
• Azərbaycan milliləri Olimpiadada VII tura çıxır – Qadınlarımız Ermənistanla qarşılaşacaq
• AŞF rəsmisi İlahə Qədimova Ümumdünya Şahmat Olimpiadasında seans keçirib
• Şəhriyar Məmmədyarov 12 yaşlı qrossmeysterlə heç-heçə etdi