Azərbaycan şahmatçısı Nicat Abasov Kanadanın Toronto şəhərində təşkil olunan İddiaçılar Turnirində bu gün növbəti görüşünü keçirəcək.

Apasport.az xəbər verir ki, 29 yaşlı qrosmeyster 11-ci turda qara fiqurlarla Fransa təmsilçisi Əlireza Firuzcayla qarşılaşacaq.

Hazırda aktivində 3 xalı olan N.Abasov sonuncu-8-ci pillədə qərarlaşıb. Ə.Firuzca isə 3,5 xalla yeddinci sırada yer alıb.

Qeyd edək ki, İddiaçılar Turnirinə aprelin 22-də yekun vurulacaq.