Argentina millisinin kapitanı Lionel Messi DÇ-2026-da arzuolunmaz göstərici ilə gündəmə gəlib.

Apasport.az xəbər verir ki, ulduz futbolçu Avstriya ilə J qrupunun II tur matçında penalti zərbəsini dəqiq yerinə yetirə bilməyib.

Bununla da Messi dünya çempionatları tarixində 3 penalti qaçıran ilk futbolçu olub.

Argentinalı hücumçu daha əvvəl DÇ-2018-də İslandiya, DÇ-2022-də isə Polşa ilə oyunlarda da penalti zərbəsindən yararlana bilməmişdi.

Qeyd edək ki, Messi Avstriya ilə görüşdə sonradan fərqlənərək dünya çempionatlarındakı qollarının sayını 17-yə çatdırıb və Miroslav Klozeni geridə qoyaraq mundiallar tarixinin ən məhsuldar futbolçusuna çevrilib.

• Vinisius ulduzlaşdı - Matçın ən yaxşısı seçildi
• DÇ-26-nın ən sürətli qolu - Mərakeş 70 saniyəyə fərqləndi
• İsveçrə - Bosniya və Herseqovina: 74-dən sonra 5 qol
• Ronaldonun sükutu - 10 oyunluq qol həsrəti
• Qardaşını geridə qoydu - Qana millisində tarixi rekord