“Liverpul”un baş məşqçisi Yurgen Klopp maraqlı bir statistika ilə diqqəti mərkəzinə düşüb.

Apasport.az saytı xəbər verir ki, alman mütəxəssis 2015-ci ildə Mersisayd klubunun baş məşqçi postuna gətirildikdən sonra Premyer Liqanın 5 aparıcı komandası 22 dəfə məşqçisi ilə yollarını ayırıb.

Bu klublardan “Mançester Siti” ən az dəyişikliyə əl atıb. “Şəhərlilər”in azarkeşləri son 8 ildə komandanın “sükanı arxası”nda iki mütəxəssisi görüblər ki, bunlar Manuel Pelleqrini və  Pep Qvardioladır.

“Çelsi” isə 2015-ci ildən 7 məşqçiyə qapını göstərib. Onlar bu göstəricidə birincidirlər. 

“Arsenal” 3, “Mançester Yunayted” 5 və “Tottenhem” isə 6 dəyişikliklə yadda qalıb.