Fransanın paytaxtı Parisdə keçirilmiş Yay Olimpiya Oyunlarında gümüş medal əldə edən Azərbaycan taekvondoçusu Qaşım Maqomedovun 2025-ci ilin mart ayı üçün açıqlanmış dünya reytinqində mövqeyi müəyyənləşib.

Apasport.az xəbər verir ki, bu barədə Azərbaycan Taekvondo Federasiyasının mətbuat xidməti məlumat yayıb.

Avropa çempionu 124.32 xalla ikinci pillədə qərarlaşıb. Onun mövqeyində dəyişiklik olmayıb.

Maqomedovun Paris-2024-ün finalında məğlub olduğu Cənubi Koreya təmsilçisi Park Taejoon birincidir.

Qeyd edək ki, Qaşım Maqomedov qızıl medal uğrunda görüşdə zədələndiyi üçün döyüş vaxtından əvvəl başa çatmışdı.

• Parataekvondoçularımızın Ankaradakı təlim-məşq toplanışı başa çatıb
• Türkiyədəki təlim-məşq toplanışına yekun vurulub
• ATF nümayəndəsi beynəlxalq turnirdə Təşkilat Komitəsinin rəhbəri olacaq
• Parataekvondoçularımız Türkiyədə təlim-məşq toplanışına başlayıb
• Taekvondoçularımız Qazaxıstan və Özbəkistanda 6 medal qazanıblar