Kişi voleybolçular arasında Azərbaycan Yüksək Liqasında növbəti oyun təşkil olunub. 

Apasport.az saytının məlumatına görə, günün yeganə oyununda “Exspress” “Sərhədçi”ni sınağa çəkib. 

“Murov” klubunun idman zalında II tur çərçivəsində baş tutan qarşılaşma nominal ev sahiblərinin qələbəsi ilə başa çatıb. İlk setdə 25:21 hesabı ilə qalib gələn “Ekspress” növbəti hissədə rəqibini çətinliklə məğlub edib – 27:25. Üçüncü set də gərgin mübarizə şəraitində keçib. Lakin 23:25 hesabı ilə uduzan “Sərhədçi” məğlubiyyətdən xilas ola bilməyib. “Ekspress” çempionata 3:0 hesablı qələbə ilə başlayıb. 

26 yanvar
Yüksək Liqa
II tur
“Exspress” – “Sərhədçi” 3:0 ( 25:21, 27:25, 25:23)

Yanvarın 27-də isə II turun digər qarşılaşmasında MOİK “Murov”u (saat 16:00) sınağa çəkəcək. Bu tur “Neftçi” istirahət edəcək. 

Qeyd edək ki, mövsümdə hələlik bir görüş keçirilib. Həmin oyunda MOİK “Neftçi”yə 3:1 (25:19, 26:28, 25:23, 25:16) hesabı ilə qalib gəlib. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq