Bakı. Kənan Həsənov - APA-Sport. Türkiyə voleybol Superliqasında yarımfinal mərhələsinin üçüncü oyunları keçirilib. “APA-Sport” agentliyinin məlumatına görə, Azərbaycan milli komandasının kapitanı Oksana Quliyeva ilə libero Valeriya Korotenkonun icarə əsasında çıxış etdiyi “Fənərbaxça Acibadem” səfərdə “Türk Telekom” klubuna 3:2 hesabı ilə qalib gəlib. Əsas heyətdə mübarizə aparan V.Korotenkonun oyunu iki ulduzla qiymətləndirilib. O.Quliyeva isə meydana çıxmayıb. Yığmamızın sabiq üzvü İnessa Qorxmazın şərəfini qoruduğu “Əczaçıbaşı Zentiva” hesabat turunda qələbə qazanıb. Onun komandası səfərdə “Vakıfbank Günəş Sığorta” klubunu məğlub edib - 3:0. İ.Qorxmaz qarşılaşmada çıxış etməyib. Bu nəticələrdən sonra həmyerlilərimizin komandaları yarımfinal seriyasında 2:1 önə keçiblər. Növbəti oyunlar aprelin 27-nə təyin olunub.
Qeyd edək ki, Türkiyə Superliqasının finalına üç qələbə qazanan komanda yüksələcək.

• Azərbaycanlı hakim voleybol üzrə Avropa çempionatına təyinat alıb
• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub
• Avropa çempionatının hakimləri açıqlanıb
• Millimizin kapitanı: “Əsas məqsədimiz növbəti mərhələyə yüksəlməkdir”