Bakı. Kənan Həsənov - APA-Sport. Azərbaycan yığmasının üzvləri Valeriya Korotenko və Oksana Parxomenkonun çıxış etdikləri “Fənərbaxça Acibadem” klubu Avropa Voleybol Konfederasiyasının (CEV) kubokuna qələbə ilə başlayıb. “APA-Sport”un məlumatına görə, İstanbul təmsilçisi Belçikada yerli “Datovoc”dan üstün olub.

Tongeren şəhərində keçirilən görüş “Fənərbaxça Acibadem”in 3:0 (25:18, 25:17, 25:10) hesablı qələbəsi ilə yekunlaşıb. Türkiyə Superliqasının son iki turunda çıxış etməyən Korotenko bu dəfə əsas heyətdə mübarizə aparıb. Parxomenko isə fasilələrlə meydanda olub.

Qeyd edək ki, tərəflər arasında cavab matçı noyabrın 12-də İstanbulda baş tutacaq.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar