Bakı. Kənan Həsənov - APA-Sport. Azərbaycanın qadınlardan ibarət “İqtisadçı” voleybol klubu “Çelenc kuboku” turnirində mübarizəni dayandırıb. “APA-Sport”un məlumatına görə, ukraynalı mütəxəssis Vladimir Podkapayevin rəhbərlik etdiyi komandamız Kiprdə AEL klubuna uduzub.

Limasol şəhərində təşkil olunan görüş meydan sahiblərinin 3:0 (25:22, 25:19, 25:22) hesablı qələbəsi ilə yekunlaşıb. “İqtisadçı” cəmi 170 azarkeşin izlədiyi qarşılaşmada tam heyətlə mübarizə aparmayıb. Belə ki, Avropa Voleybol Konfederasiyası (CEV) ilk görüşdə sənədləri qaydasında olmadan meydana çıxan Nadejda Serbryanikova ilə İrina Ramazanovanın cavab matçında iştirakına icazə verməyib.

Qeyd edək ki, məhz bu voleybolçuların ucbatından “İqtisadçı”nın Quba Olimpiya Kompleksində qazandığı 3:0 (29:27, 25:23, 25:22) hesablı qələbəsi ləğv edilib. CEV bununla yanaşı, komandamıza texniki məğlubiyyət verib - 0:3 (0:25, 0:25, 0:25).

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar