Qadın voleybolçular arasında keçirilən Türkiyə Superliqasında VIII turun oyunları yekunlaşıb. Apasport.az saytının məlumatına görə, Azərbaycan milli komandasının üzvlərinin yer aldıqları komandalar hesabat turunu itkisiz başa vurublar.

Natalya Məmmədovanın şərəfini qoruduğu “ Türk Telekom” doğma meydanda “Karşıyaka” klubundan üstün olub - 3:2. 24 yaşlı voleybolçumuz əsas heyətdə çıxış etsə də, oyunu cəmi iki ulduzla qiymətləndirilib. Yığmamızın digər üzvləri, Oksana Quliyeva ilə Valeriya Korotenkonun formasını geydikləri “Fənərbaxça Acibadem” isə “İllər Bankası”nı darmadağın edib - 3:0. Əsas heyətdə mübarizə aparan voleybolçularımızın oyunu müvafiq olaraq, üç və iki ulduzla dəyərləndirilib.

Bu nəticələrdən sonra xallarının sayını 18-ə çatdıran “Türk Telekom” üçüncü pillədəki mövqeyini qoruyub. Hesabında 15 xal olan “Fənərbaxça Acibadem” 5-ci sırada qərarlaşıb. Turnir cədvəlinə isə hərəyə 19 xal toplayan “Əczaçıbaşı Zentiva” və “Beşiktaş” klubları başçılıq edirlər.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar