Türkiyə yığmasının adı açıqlanmayan xanım həndbolçusu federasiya prezidentindən şikayət edib. Apasport.az saytının məlumatına görə, Türkiyə Həndbol Federasiyasının başçısı Tarik Çengizin telefonundan idmançıya mesaj gəlib. “Gecən xeyrə qalsın, canım, mənə gəl deməyini gözləyirəm” mesajını alan həndbolçu hüquq-mühafizə orqanlarına müraciət edib. Cinsi təcavüzə məruz qaldığını iddia edən həndbolçu prezidentin əvvəllər də ona belə təkliflər etdiyini bildirib. İşi araşdıran prokurorluq lazım gələcəyi halda federasiya başçısını məhkəməyə verəcək. Bir müddət əvvəl Çengizin rüşvət almağı ilə bağlı xəbərlər də yayılmışdı.