Azərbaycanın basketbol yığmasının lideri Aleksandr Rındinin şərəfini qoruduğu “Ural-Qreyt” klubu “Çağırış kuboku” turnirinin qrup mərhələsində ardıcıl ikinci qələbəsini qazanıb. Apasport.az saytının məlumatına görə, Rusiya təmsilçisi Perm şəhərində istəyinə çatıb.

Kiprin “Keravnos” klubu ilə qarşılaşan “Ural-Qreyt” startda rəqibinin ciddi müqaviməti ilə üzləşsə də, matçın sonlarında inamlı qələbəyə sevinib - 85:64. Cəmi iki dəqiqə oynamaq imkanı qazanan Rındin meydanı xalsız tərk edib.

Qeyd edək ki, “Çağırış kuboku”nun B qrupunda yarışan “Ural-Qreyt” bu qələbədən sonra 5 xalla liderliyi ələ keçirib.