Bu gün qadın voleybolçular arasında Türkiyə kubokunun yarımfinal mərhələsinin püşkü atılıb. Apasport.az saytının məlumatına görə, püşk Azərbaycan milli komandasının üzvlərini üz-üzə qoyub.

Natalya Məmmədovanın çıxış etdiyi “Türk Telekom” Valeriya Korotenko və Oksana Parxomenkonun şərəfini qoruduqları “Fənərbaxça Acibadem”lə qarşılaşacaq. İlk oyun yanvarın 27-də, cavab matçı fevralın 3-də təşkil olunacaq. Bu görüşlərdə bərabərlik qeydə alınarsa, fevralın 25-də üçüncü oyun keçiriləcək.

Qeyd edək ki, digər yarımfinal cütünü yığmamızın sabiq üzvü Yelena Şabovtanın meneceri olduğu “Əczaçıbaşı Zentiva” klubu ilə “Vakıfbank Günəş Sıgorta” formalaşdırıb. Türkiyə kubokunun final matçı isə martın 18-də baş tutacaq.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar