Azərbaycanın voleybol yığmasının və “Fənərbaxça Acibadem” klubunun üzvü Valeriya Korotenko İstanbulda xəstəxanaya yerləşdirilib. Apasport.az saytının məlumatına görə, buna 24 yaşlı həmyerlimizin Belarusun “Baranoviçi” komandası ilə oyunda aldığı xəsarət səbəb olub.

Korotenko Avropa Voleybol Konfederasiyasının (CEV) kubokunun 1/8 final mərhələsinin cavab matçında sıradan çıxıb. Necla ilə əvəzlənən voleybolçumuz dərhal da xəstəxanaya yerləşdirilib. Milli komandamızın ən cəlbedici üzvünün zədəsi haqda əlavə məlumat verilməyib.

Məsələ ilə bağlı Apaspor.az saytına açıqlama verən Azərbaycan Voleybol Federasiyasının (AVF) mətbuat katibi Zöhrab Gözəlbəyli Korotenkonun ciddi zədəsinin olmadığını bildirib. AVF rəsmisi təmsilçimizin bel nahiyəsində ağrılar olduğunu, bu problemin də yaxın günlərdə aradan qaldırılacağını deyib. Gözəlbəyli Korotenkonun növbəti həftədən etibarən məşqlərə başlayacağını da sözlərinə əlavə edib. AVF rəsmisi Türkiyənin digər təmsilçisi “Türk Telekom”da çıxış edən Natalya Məmmədovanın ayağında kiçik zədəsinin olduğunu da deyib. O, milli komandamızın 24 yaşlı liderinin durumunun həkim müayinəsindən sonra dəqiqləşəcəyini vurğulayıb.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar