Qadınlar arasında Avropa Voleybol Konfederasiyasının (CEV) Kuboku uğrunda “Dördlər finalı” Bakıda keçiriləcək. Lent.az-ın CEV-in rəsmi saytına istinadən verdiyi məlumata görə, bu haqda qurum rəhbərliyi namizədliyini irəli sürən şəhərlərin sənədlərini araşdırdıqdan sonra qərar qəbul edib.

20-21 martda baş tutacaq “Dördlər finalı”nda Azərbaycanın “Rabitə”, İtaliyanın “Yamamay”, Rusiyanın “Uraloçka-NTMK” və Serbiyanın “Srvena Zvezda” klubları mübarizə aparacaq. Oyunların təqvimi hələlik məlum deyil.

Qeyd edək ki, 2002-ci ildə voleybol üzrə “Top Komandalar Kuboku”nun həlledici mərhələsi də Bakıda keçirilmişdi. Həmin vaxt kuboku ölkəmizi təmsil edən “Azərreyl” qazanmışdı.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə