Azərbaycanın həndbolçu qadınlardan ibarət milli komandası sabah növbəti sınağını verəcək. Apasport.az saytının məlumatına görə, Rəfiqə Şabanovanın rəhbərlik etdiyi kollektiv Avropa çempionatının seçmə mərhələsində Çexiya ilə qarşılaşacaq. “ABU-Arena”da təşkil olunan oyun saat 17:00-da başlanacaq. Görüşü yunanıstanlı hakimlər - Konstantinos Katsikis və Mixalis Mixailidis idarə edəcəklər.

Yığmamız qrupda sonuncu pillədən qurtulmaq üçün çexlərə mütləq qalib gəlməlidir. Hazırda hesabında xal olmayan komandamız 4-cü yerdədir. Bizim kimi, hər iki oyunda məğlubiyyət acısı dadmış Çexiya yalnız top fərqinin yaxşı nisbətinə görə, 3-cü sıradadır. Hesabında 4 xal olan İsveç və Macarıstan müvafiq olaraq, 1-ci və 2-ci pillədə qərarlaşıblar.

Xatırladaq ki, milli komandamız səfərdə İsveçə 11:31, evdə isə Macarıstana 15:31 hesabı ilə uduzub.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə