Aprelin 9-da Bakıda SSRİ və Azərbaycanın əməkdar məşqçisi Şamil Şamxalovun xatirəsinə həsr olunmuş voleybol üzrə qadınlararası beynəlxalq turnir keçiriləcək. Apasport.az saytının xəbərinə görə, yarışda “Azərreyl”, “Rabitə”, “İqtisadçı”, “Lokomotiv” klubları ilə yanaşı, Bolqarıstan və İsrail yığmaları da iştirak edəcək.

Qeyd edək ki, 60-cı illərdə Şamil Şamxalov Azərbaycanda voleybolun inkişafına böyük töhfələr verib. Onun 6 yetirməsi 1956-cı ildə gənclər arasında SSRİ çempionu adına layiq görülüb. Üç il sonra isə Şamxalovun yeniyetmə qadın və kişilərdən ibarət komandaları Moskvada keçirilən Ümumittifaq Spartakiadasının qalibi olub.
AzərTac

• “Murov Az Terminal”dan yeni transfer
• Voleybol üzrə Avropa çempionatının açılış mərasimi keçirilib - FOTO
• Azərbaycanlı hakim voleybol üzrə Avropa çempionatına təyinat alıb
• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub