Avropa çempionatının seçmə qrup mərhələsində ən yaxşı nəticəni Azərbaycan yığma komandası göstərib. Apasport.az saytının məlumatına görə, qitə birinciliyində 6 oyunun hamısında qələbə qazanan Faiq Qarayevin yetirmələri rəqiblərinə bir set də məğlub olmayıblar.

Digər qruplarda isə belə göstərici qeydə alınmayıb. Qrup qalibləri olan Çexiya, Ukrayna, İspaniya, Rumıniya və Bolqarıstan arasında yalnız bolqarlar bir hissədə məğlub olublar. Bundan əlavə, həlledici mərhələdə oynayacaq İspaniya və Ukrayna voleybolçuları hətta bir oyunda xal itkisi ilə də üzləşiblər.

Qeyd edək ki, Azərbaycan yığmasının birinci olduğu seçmə mərhələdə Portuqaliya və Gürcüstan voleybolçuları antirekordçu olublar. Onlar rəqibləri üzərində 1 hissədə də qələbə qazana bilməyiblər. Bu komandalarla yanaşı, Avstriya, İngiltərə, Çernoqoriya və İsveç milliləri isə seçmə mərhələnin bütün görüşlərində məğlub olublar.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq