Azərbaycanı Çempionlar Liqasında təmsil edəcək voleybol üzrə qadınlardan ibarət “Rabitə” komandası yığma komandamızın lideri Natalya Məmmədovaya rəsmi təklif irəli sürüb. Bu barədə apasport.az saytına məlumatı çempion komandanın rəsmisi Nəsimi Musayev verib.

Onun sözlərinə görə, Məmmədovanı heyətə qatmaqda israrlı olan “Rabitə” voleybolçunun şəxsi meneceri ilə danışıqlara başlayıb. Klub rəhbərliyi artıq qarşı tərəfdən cavab gözləyir.

Qeyd edək ki, Avropanın ən nüfuzlu yarışına ciddi hazırlaşan “Rabitə” klubu Nataşa Krsmanoviç, Boyana Doganjiç, Silviya Papoviç, Sanya Staroviç, Mira Qoluboviç (hamısı Serbiya), İrina Jukova (Ukrayna), Natalya Kulikova (Rusiya), Mirela Deliç (Xorvatiya), Olqa Toçko (Latviya) və Diana Nenova (Bolqarıstan) ilə müqavilə imzalayıb.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq