“Bizim planlarımız baş tutmadı. Ən pis halda, qələbə qazanmaq istəyirdik. Amma alınmadı”. Apasport.az saytının məlumatına görə, bu sözləri Almaniyanın “Şviriner” klubunun məşqçisi Ture Aleksandersen deyib.

Norveçli mütəxəssis “Çelenc Cup” turnirinin 1/4 final mərhələsinin cavab oyununda Bakının “Lokomotiv” klubuna 2:3 hesablı məğlubiyyətə münasibət bildirib: “Bu mərhələyə kimi çıxışımız əla gedirdi. Uduzmaq nə olduğunu bilmirdik. Lakin bu dəfə çox güclü rəqiblə qarşılaşdıq və onların heyətində yer alan təcrübəli voleybolçular cütün taleyini həll etdilər. Düzdür, hər 2 komandanın ifasında gözəl matç izlədik. Mən yetirmələrimdən belə oyun gözləmirdim”.

Qeyd edək ki, ilk görüşdə də “Şviriner”i 3:0 hesabı ilə məğlub edən “Lokomotiv” yarımfinal vəsiqə qazanıb.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq