Qadın voleybolçulardan ibarət Bolqarıstan yığmasına baş məşqçi təyin edilən Draqutin Baltiç daha 1 il ölkəmizdə çalışacaq. Apasport.az saytının məlumatına görə, sloveniyalı mütəxəssis Bakı “Lokomotiv”i ilə yeni müqaviləyə imza atıb. O, Bolqarıstan millisi ilə yanaşı, “dəmiryolçuları” da çalışdırmağa razılıq verib.

Baltiç artıq transferlərə də başlayıb. “Rabitə”dən bolqar Diana Nenovanın Bakı klubuna keçidində yardımçı olan mütəxəssis daha 2 yığma voleybolçusunu “Lokomotiv”ə gətirməyi planlaşdırır. Baltiç milli komandada sərəncamında olan Dobriana Rabadjiyeva və Yeva Yanevanın xidmətində maraqlıdır.

Qeyd edək ki, 2009/2010 mövsümündə “Rabitə”ni Azərbaycan çempionu edən Draqutin, 1 il sonra “Lokomotiv”lə 4-cü olub.

• Azərbaycanlı hakim voleybol üzrə Avropa çempionatına təyinat alıb
• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub
• Avropa çempionatının hakimləri açıqlanıb
• Millimizin kapitanı: “Əsas məqsədimiz növbəti mərhələyə yüksəlməkdir”