Bakının “Lokomotiv” voleybol klubu 4 voleybolçu ilə yeni müqavilə imzalayıb. Apasport.az saytının məlumatına görə, Super Liqanın son mövsümünü 4-cü yerdə bitirən “dəmiryolçular” ötən ilki heyətdən Mariya Filipova, Kremena Kamenova (hər ikisi Bolqarıstan), Aleksandra Samoylova (Rusiya) və Vera Klimoviçi (Belarus) komandada saxlamağa qərar veriblər. Bu voleybolçularla müqavilənin müddəti 1 il artırılıb.

Hazırda isə “Lokomotiv” Azərbaycan milli komandasının üzvləri Kseniya Kovalenko, Yelena Parxomenko, Oksana Məmmədyarova, amerikalı Nansi Metkalfla danışıqları davam etdirir. Onlarında komandada qalacağı gözlənilir.

Qeyd edək ki, yeni mövsümdə “Çelenc Cup”da qüvvəsini sınayacaq “dəmiryolçular” daha öncə “Rabitə”dən Diana Nenovanı transfer etmişdi.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq