Azərbaycan milli komandasının futbolçusu Vaqif Cavadov Rusiyanın “Volqa” klubunun heyətində meydana çıxıb. Apasport.az saytının məlumatına görə, yenə yoxlama oyununda iştirak edən 22 yaşlı hücumçumuz Nijni-Novqorod təmsilçisinin əvəzedici heyəti ilə görüşdə iştirak edib. “Volqa”nın baş məşqçisi Andrey Çerışev yalnız bu aydan rəsmi oyunlarda xidmətindən istifadə edə biləcəyi yeni transferlərə, o cümlədən Vaqifə şans verib. Komandasının 3:1 hesabı ilə qalib gəldiyi oyunda Cavadov qol vurmayıb.

Qeyd edək ki, Vaqifin “Volqa”da rəsmi debütü Premyer Liqanın növbəti turunda avqustun 6-da “Rostov”la ev oyununda gözlənilir.

• Millimizin Avropa Qızıl Liqasına hazırlıqlarına start verilib
• Millimizin oyunlarının hakimləri bəlli olub
• Polina Rəhimova üçün mükəmməl mövsüm - "QIZIL DUBL"
• “Azərlotereya”nın sponsorluğu ilə yeni voleybol komandası yaradılıb
• Millimiz məğlub oldu