Bakının “Lokomotiv” voleybol klubu daha bir legionerin keçidini rəsmiləşdirib. Apasport.az saytının məlumatına görə, “dəmiryolçular” Venesuela millisinin üzvü Mariya Veronika Qomeslə anlaşıblar.

26 yaşlı voleybolçu ilə 1 illik müqavilə imzalanıb. 187 sm boya malik venesuelalı əsasən Rusiya “Uraloçka”sındakı oyunu ilə tanınıb. O, həmçinin 2009/2010 mövsümündə Rumıniyanın “Metal Qalati” komandasının heyətində Çempionlar Liqasında çıxış edib.

Qeyd edək ki, “Lokomotiv” Qomesdən öncə argentinalı Qaido Lusia, belaruslu Olqa Palçevskaya və bolqarıstanlı Diana Nenovanı rənglərinə bağlamışdı. Ötən ilki heyətdən isə Yelena Parxomenko, Oksana Məmmədyarova, Mariya Filipova, Aleksandra Samoylova, Nansi Metkalf, Kremena Kamenova və Vera Klimoviçlə yeni müqavilə imzalanmışdı.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq