“Beşiktaş” mübarizədən kənarlaşdırıldı

24.11.2011 - 10:55

Çempionlar Liqasının qrup mərhələsində “Azərreyl”lə qarşılaşacaq “Vakıfbank TTelekom” Türkiyə kubokunda növbəti oyununu keçirib. Apasport.az saytının məlumatına görə, rəqibimiz vaxtı ilə “dəmiryolçuları” çalışdırmış Adnan Kistakın rəhbərlik etdiyi “Beşiktaş”la üz-üzə gəliblər.

“Vakıfbank TTelekom” səfərdə “qara qartallar”ı 3:0 (18:25, 19:25, 20:25) hesabı ilə məğlub edib və III mərhələyə yüksəlib. “Beşiktaş” isə yarışla vidalaşmalı olub.

Qeyd edək ki, türkiyəli mütəxəssis Kistak 2009/2010 mövsümündə “Azərreyl”in baş məşqçisi olub.