Sabah Bakının “Rabitə” voleybol klubu Çempionlar Liqasında ən vacib oyununa çıxacaq. Apasport.az saytının məlumatına görə, III tur çərçivəsində Zoran Qayiçin yetirmələri “Fənərbaxça”nın qonağı olacaqlar.

İlk 2 oyundan sonra yalnız top fərqinə görə türkləri qabaqlayan voleybolçularımız səfərə yalnız qələbə ardınca yollanıblar. Çünki “Rabitə” “sarı-lacivərdlilər”in “hər 2 matçda qalib gəlmək istəyirik” arzusunun birinin üstündən məhz İstanbulda xətt çəkməyi hədəfləyib.

Düzdür, bu mövsüm istər ölkədaxili, istərsə də beynəlxalq matçlarda nə “Rabitə”, nə “Fənərbaxça” məğlubiyyət acısı yaşamayıb. Ancaq İstanbulda baş tutacaq son dünya çempionlarının duelində bu gerçəkləşəcək. Kapitanımız Natalya Məmmədovanın bu oyunda tam gücü ilə oynaması və mövsümün startında rəqibin voleybolçusu Nataşa Osmokroviçin təmsilçimizin heyətinə cəlb edilməsi xeyrimizə olan amildir.

III tur

21:30. “RABİTƏ” (AZƏRBAYCAN) – “FƏNƏRBAXÇA” (TÜRKİYƏ)
Hakimlər: Marek Lagierski (Polşa), Georgios Karampetsos (Yunanıstan)
İstanbul, Burhan Fələk Voleybol Salonu

Rabitə	2	2	0	6-0	150-111	6
Fənərbaxça	2	2	0	6-0	150-113	6
Dresdner	2	0	2	0-6	118-150	0
Myulhaus	2	0	2	0-6	106-150	0

Qeyd edək ki, qrupumuzun digər matçında “Dresdner” (Almaniya) “Myulhaus”la (Fransa) qarşılaşacaq.

• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb
• Çimərlik voleybolçularımız Avropa çempionatında iştirak edəcəklər
• Türkiyə millisi gümüş medalçı olub