Sabah qadın voleybolçular arasında Super Liqanda 2011-ci ilin son oyunu keçiriləcək. Apasport.az saytının məlumatına görə, bu matçda “Azərreyl” debütant “Lokomotiv Biləcəri”ni sınağa çəkəcək.

Qarşılaşmanı nominal ev sahibləri üçün yüngül məşq də adlandırmaq olar. Çünki dekabrın 20-də Çempionlar Liqasının qrup mərhələsinin IV turunda “Vakıfbank TTelekom”un qonağı olacaq “Azərreyl” bu oyundan sonra Türkiyəyə yollanacaq.

I turdan təxirə salınmış görüşdə də “Lokomotiv Biləcəri”nin bir setdə də olsa belə qələbə qazanacağı gözlənilmir. Lakin Super Liqada Vüqar Əliyevin rəhbərliyi altında çıxış edən komandanın zəif rəqibə qarşı görüşdə əsas heyətinin üzvlərinə istirahət verəcəyi də istisna deyil.

I tur, təxirə salınmış oyun

12:00. “Azərreyl” - “Lokomotiv Biləcəri”
Hakimlər: Ruhid Xəlilov, Konstantin Selin
Voleybol Federasiyasının idman zalı

1.	Bakı	4	4	0	12-0	8
2.	Rabitə	2	2	0	6-1	4
3	İqtisadçı	3	1	2	4-7	4
4.	Lokomotiv	2	1	1	3-3	3
5.	Azəryolservis	3	0	3	2-9	3
6.	Lokomotiv Biləcəri	3	0	3	0-9	3
7.	Azərreyl	1	1	0	3-1	2

Qeyd edək ki, Super Liqada V turun oyunları gələn il yanvarın 6-də keçiriləcək.

• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb
• Çimərlik voleybolçularımız Avropa çempionatında iştirak edəcəklər
• Türkiyə millisi gümüş medalçı olub