“Bakı” ilk matçını səfərdə keçirəcək

09.02.2012 - 00:11

“Bakı” voleybol klubu “Çelenc Cup”ın 1/4 final mərhələsində Rusiyanın “Omiçka” komandası ilə qarşılaşacaq. Apasport.az saytının məlumatına görə, Ancelo Vercesinin yetirmələri ilk görüşlərinə səfərdə, cavab matçlarına paytaxtımızda çıxacaqlar.

Yarımfinala yüksəlmək üçün komandalar ilk oyunu fevralın 21-23-də, cavab qarşılaşmasını 1 həftə sonra keçirəcəklər.

Qeyd edək ki, Omsk təmsilçisi “Omiçka” 1/8 finalda “Veert”i (Belçika) mübarizədən kənarlaşdırıb.