“Bakıdakı cavab oyununa nikbin baxırıq. Heç kim bədbinliyə qapılmır”. Apasport.az saytının məlumatına görə, bunu “Rabitə”nin voleybolçusu Natalya Məmmədova deyib.

Komandasının kapitanı bu gün Çempionlar Liqasının 1/8 final mərhələsində “Atom”la (Polşa) cavab matçı barədə fikirlərini açıqlayıb. Məmmədovanın sözlərinə görə, mərhələ adlamaqla bağlı üzərlərinə düşən çətin vəzifənin öhdəsindən gəlmək gücündədirlər: “Qonaq komandanı qiymətləndirməmək olmaz. Bu bizim üçün çox çətin matç olacaq. Belə revanş matçında özümüzü necə göstərə biləcəyimizi azarkeşlərimiz də görəcək”.

Qeyd edək ki, “Rabitə” Sopotda baş tutan ilk qarşılaşmada 1:3 hesabı ilə uduzub.

• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb
• Çimərlik voleybolçularımız Avropa çempionatında iştirak edəcəklər
• Türkiyə millisi gümüş medalçı olub