Kişi basketbolçular arasında Avro-2013-ün seçmə mərhələsi çərçivəsində III turun oyunları keçirilib. Apasport.az saytının məlumatına görə, ilk 2 oyunda Lüksemburq və Bolqarıstan millilərinə qalib gələn Azərbaycan yığması 3-cü sınağına İsveçdə çıxıb.

Bu ölkənin komandası ilə qarşılaşan Elxan Əliyevin yetirmələri üçüncü qələbə arzusunda olsalar da, bunu reallaşdıra bilməyiblər. Ötən mövsüm millimizlə B divizionunda eyni qrupda yer alan və hər 2 matçda qələbə qazanan İsveç basketbolçuları bu dəfə də komandamızı məğlub ediblər.

Düzdür, həmyerlilərimiz ilk hissəni öz xeyirlərinə başa vurublar. Lakin bundan sonra təşəbbüsə yiyələnən ev sahibləri 96:79 hesabı ilə qələbə qazanıblar.

Qrupumuzun digər qarşılaşmasında Bolqarıstan Almaniyaya 70:82 hesabı ilə uduzub.

İSVEÇ – AZƏRBAYCAN – 96:79 (15:25, 26:17, 25:18, 30:19)
Hakimlər: Petri Mantila (Finlandiya), Dariuş Lenkzovski (Polşa), Siqmundur Herbertsson (İslandiya)

Azərbaycan	3	2	1	268-247	5
Almaniya	2	2	0	183-123	4
Bolqarıstan	3	1	2	221-243	4
İsveç	2	1	1	169-157	3
Lüksemburq	2	0	2	131-202	2

Avqustun 24-də keçiriləcək IV turda millimiz istirahət edəcək.

• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer
• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO