Avropa çempionatının II təsnifat mərhələsinin II dövrəsində Azərbaycan – Belarus matçının ən yaxşı voleybolçusunun adı açıqlanıb. Apasport.az saytının məlumatına görə, qrup mərhələsinin son oyunda 3:0 hesabı ilə qalib gələn yığmamızın heyətində Natalya Məmmədova qəhrəman olub.

Hücumçumuz komandamıza 28 xal qazandırıb. Faiq Qarayevin digər yetirmələrindən – Odina Əliyeva 19, Anastasiya Qurbanova ilə Ayşən Abduləzimova hərəyə 5, Yelena Parxomenka 3, Şəfaqət Həbibova və Natəvan Qasımova hərəyə 1 xal toplayıblar.

Belarusun heyətində isə Marina Tumas daha dəqiq olub. “Azərreyl”in sabiq voleybolçusu 20 xala sevinib.

Qeyd edək ki, qrup mərhələsindən sonra Azərbaycan birbaşa finala, Belarus pley-offa yüksəlib. Avstriya və Finlandiya isə yarışla vidalaşıb.

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək