30, yoxsa 20?

15.10.2012 - 08:13

“Rabitə”nin klublararası dünya çempionatında keçirəcəyi ilk oyun əlamətdar olacaq. Apasport.az saytının məlumatına görə, Bakı təmsilçisinin bu gün Braziliyanın “Sollis Nestle” komandasına qarşı keçirəcəyi qarşılaşma yubileylə yadda qalacaq.

Belə ki, oyunun nəticəsindən asılı olaraq, bu yubiley ya müsbət, ya da mənfi xarakter daşıyacaq. Məsələ ondadır ki, "Rabitə" indiyədək rəsmi beynəlxalq turnirlərdə 29 qələbə qazanıb və 19 dəfə məğlub olub. Braziliyalılarla oyunda komandamız qalib gələcəyi halda bu klub tarixinə 30-cu qələbə kimi düşəcək. Əks təqdirdə isə “Rabitə” 20-ci dəfə meydanı məğlub tərk edəcək.

Braziliyalıların qazanacaqları ilk set isə Azərbaycan çempionunun üzüldüyü 70-ci hissə olacaq.

Qeyd edək ki, oyun Bakı vaxtı ilə saat 17:00-da başlayacaq.