Qadın voleybolçular arasında Rusiya Superliqasında üçüncü yer uğrunda 2-ci oyun keçirilib. Apasport.az saytının məlumatına görə, 3 qələbəyə kimi davam edəcək mərhələnin 2-ci qarşılaşması da Azərbaycan millisinin voleybolçusu Natalya Məmmədovanın şərəfini qoruduğu “Omiçka” üçün uğurlu alınıb.

İlk matçda “Uraloçka”nı 3:1 (24:26, 27:25, 25:23, 25:16) hesabı ilə məğlub edən Omsk təmsilçisi bu dəfə də meydanı qalib tərk edib - 3:1 (25:15, 25:14, 24:26, 25:17).

Ev oyunlarında qələbə qazanan “Omiçka” seriyanın növbəti matçını səfərdə keçirəcək. Mayın 12-də Yekaterinburqda qazanılacaq qələbə Natalya və komandasına bürünc medal gətirəcək.

Qeyd edək ki, “Omiçka” əsas mərhələnin hər 2 oyununda da “Uraloçka”ya 3:1 hesabı ilə qalib gəlmişdi.

• Azərbaycan kubokunun keçiriləcəyi tarixlər bəlli olub
• Təmsilçimiz Avropa çempionu olub
• “Azərreyl” Avropa Kubokunun qalibi olub
• Daha bir Azərbaycan komandası finalda
• “Azərreyl” finala yüksəlib