Avropa kubokunda çıxış edəcək qadın həndbolçulardan ibarət “Azəryol”un oyunlarının vaxtı və yeri dəqiqləşib.

Apasport.az saytının məlumatına görə, avrokubokların 2021/22 mövsümündəki yeganə təmsilçimiz 2-ci raundda Yunanıstanın “AEP Panorama” klubu ilə görüşəcək.

“Azəryol” ilk oyununu oktyabrın 16-17-də səfərdə, cavab görüşünü 23-24-də evdə keçirməli idi. Lakin klublar hər iki matçın Yunanıstanda keçirilməsini razılaşdırıb. Bu oyunlar Salonikidə təşkil olunacaq.

Oktyabrın 23-dəki matçda “AEP Panorama” meydan sahibi olacaq. Ertəsi gün eyni məkanda baş tutacaq görüşün nominal meydan sahibi “Azəryol” olacaq. Hər iki qarşılaşma Bakı vaxtı ilə saat 17:00-da başlayacaq.

• Azərbaycan milliləri Avropa Liqasında iştirak edəcəklər
• Millimiz Polşaya yollanıb
• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib