Bakının “Sərkərdə” klubunun sabiq basketbolçusu Nikolay Kojuxari İrlandiyanın Offali şəhərində hüquq-mühafizə orqanları tərəfindən saxlanılıb.

Apasport.az saytının məlumatına görə, moldovalı legioner narkotik maddələri satmaq üçün yetişdirmək və saxlamaqda ittiham olunur.

28 yaşlı basketbolçu iki həmyerlisi ilə birlikdə 100 min avro dəyərində maddə ilə həbs edilib. Hər üç şəxsə zaminə buraxılmaqdan imtina olunub və Kloverhill həbsxanasına yerləşdirilib.

Qeyd edək ki, ötən il oktaybrın sonunda "Sərkərdə"yə keçən moldovalı basketbolçu həmin ilin dekabrında ölkəmizdən ayrılıb. Onun komandadan göndərilməsinə intizamsızlığı və ümidləri doğrultmaması səbəb olub.
 

• Azərbaycan milliləri Avropa Liqasında iştirak edəcəklər
• Millimiz Polşaya yollanıb
• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib