Qadın voleybolçulardan ibarət Azərbaycan milli komandası Olimpiya lisenziya xarakterli turnir üçün hazırlığın son mərhələsinə start verib. Apasport.az saytının məlumatına görə, Türkiyə toplanışını başa vuran yığmamız axırıncı məşqlər üçün Polşaya yollanıb. 

Vasif Talıbovun rəhbərlik etdiyi kollektiv burada hazırlıq çərçivəsində yoxlama matçı da keçirəcək. Voleybolçularımız Hollandiyada baş tutacaq Təsnifat Turnirində rəqiblərindən olan Polşa ilə üz-üzə gələcək. Yığmaların bir neçə sınaq oyunu keçirməsi planlaşdırılır. 

Qeyd edək ki, Apeldorn şəhərində baş tutacaq Avropa Olimpiya Təsnifat Turniri yanvarın 7-12-də olacaq. 
 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq