Avropa Voleybol Konfederasiyasının (CEV) oktyabrın 16-na təxirə salınan Baş Assambleyası çərçivəsində seçkilər keçiriləcək.

Apasport.az saytının məlumatına görə, seçkilərdə 2020-24-cü illərdə quruma rəhbərlik edəcək prezident, həmçinin İnzibati Şura və müxtəlif komissiyaların tərkibi bəlli olacaq.

CEV bu gün bütün namizədlərin siyahısını təsdiqləyib. Qurumun prezidenti vəzifəsinə iki namizəd var. Bunlar indiki rəhbər serbiyalı Aleksandar Boriçiç və estoniyalı Hanno Perkurdur.

Azərbaycanın 5 voleybol mütəxəssisi də seçkilərə qatılacaq. Azərbaycan Voleybol Federasiyasının baş katibi Cəlil Cəfərov İnzibati Şuraya üzvlüyə namizədlər sırasında yer alıb.

Ölkəmizin digər 4 nümayəndəsi isə müxtəlif komissiyalara seçilmək üçün namizəd kimi göstərilib. Bunlar Nərgiz İsmayılova, Zöhrab Gözəlbəyli, Vüsalə Kazımova və Mixail Frişmandır.
 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq