Bakının “Azəryol” klubunun sabiq voleybolçusu Marin Van Romer karyerasını başa vurub.

Apasport.az saytının məlumatına görə, almaniyalı toppaylayıcı 33 yaşında idmanla vidalaşıb.

O, 2015-16-cı illərdə Azərbaycanda çıxış edib. Həmin vaxt Apits soyadını daşıyan voleybolçu ailə həyatı qurduqdan sonra Van Romer olub. Bakını tərk edəndən sonra yalnız bir klubda oynayan almaniyalı vətənində “Drezden”in şərəfini qoruyub.

100-dən çox matçda Bundestimin də formasını geyinən Marin karyerası ərzində Berlin “Olimpiya”sı və Fransa “Kann”ında da çıxış edib.

Qeyd edək ki, Azərbaycanda heç bir titul qazanmayan voleybolçu ikiqat Almaniya, həmçinin Fransa çempionatının və Çelenc kubokunun qalibidir.
 

• Azərbaycan milliləri Avropa Liqasında iştirak edəcəklər
• Millimiz Polşaya yollanıb
• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib