Azərbaycan millisinin voleybolçusu Polina Rəhimova yığma karyerasını başa vurur.

Apasport.az saytının məlumatına görə, bunu Niderlandda keçirilən Avropa Olimpiya Təsnifat Turnirində Bolqarıstanla matçdan sonra özü açıqlayıb. 

30 yaşlı hücumçu bildirib ki, bu gün Polşa ilə matç milli karyerasında sonuncu olacaq: "Tokio Olimpiadasında olmayacağıq. Amma növbəti oyun üçün çox həyəcanlıyam. Çünki bu, mənim millidə son matçım olacaq”.  

Qeyd edək ki, Ukrayna voleybolunun yetirməsi olan Özbəkistan əsilli dünya rekordçusu 15 yaşından Azərbaycanda çıxış edir. "Nəqliyyatçı"ya dəvət edilən voleybolçu 2007-ci ildə milliləşdirilib. 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq