Qadınlardan ibarət “Azərreyl” klubu voleybolçusu Moytsa Pene ilə yoluna davam edəcək.

Bu barədə apasport.az saytına məlumatı sloveniyalı voleybolçunun özü verib.

31 yaşlı hücumçu bildirib ki, karyerasını daha bir il Azərbaycanda davam etdirəcək. Penenin sözlərinə görə, yeni mövsümdə avrokuboklarda uğurla çıxış etməyi hədəfləyən klubun müqaviləni uzatmaq təklifini sevinclə qəbul edib: “Mənə müqaviləni uzatmaq təklif olundu. Mən bunu qəbul etdiyimi dediyim üçün xoşbəxtəm. Özümü burda – Bakıda yaxşı hiss edirəm. Gördüyümüz işdən, məşq zalından, bütün əməkdaşlardan, peşəkarlıqdan və növbəti mövsüm üçün hədəflərdən razıyam. Həm də maraqlıdır. Özümdə motivasiya və burda qalmaq istəyi hiss edirəm”.

Qeyd edək ki, koronavirus pandemiyası üzündən dayandırılan Azərbaycan Super Liqasında bombardirlər siyahısında yer alan “Azərreyl”in kapitanı fasilə dövründə vətəninə yollanmayaraq Bakıda qalıb.
 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq