Qadın basketbolçulardan ibarət ABŞ millisinin və “Çikaqo Skay” klubunun hücumçusu Stefani Dolson koronavirusa yoluxub.

Apasport.az saytının məlumatına görə, bunu idmançının özü etiraf edib.

O bildirib ki, ailəsinin bütün üzvlərində bu xəstəlik aşkarlanıb. Klubun sahibi Dolsondakı koronavirusun simptomsuz keçdiyini vurğulayıb.

Stefani Qadın Milli Basketbol Assosiasiyasının ikinci oyunçusudur ki, bu xəstəliyə yoluxduğunu bəyan edib. Ona qədər “Los-Anceles”in müdafiəçisi Sidni Uiz eyni halla üzləşib.

Qeyd edək ki, ABŞ koronavirusun ən böyük zərbə vurduğu ölkədir. Burada yoluxanların sayı 680, ölənlərin sayı 35 mini keçib.
 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq