Millimizin hücumçusundan “Panatinaikos”la “Qızıl dubl”
13.05.2022 - 09:51
Millimizin hücumçusundan “Panatinaikos”la “Qızıl dubl”

Azərbaycan millisinin voleybolçusu Marqarita Stepanenko Yunanıstan çempionu olub.

Apasport.az saytının məlumatına görə, 22 yaşlı hücumçu bu uğura “Panatinaikos”un heyətində imza atıb.

Milliləşən ukraynalı oyunçumuzun şərəfini qoruduğu Afina təmsilçisi çempionluq uğrunda pley-offun taleyini 5-ci matçda həll edib. Prinsipial rəqibi “Olimpiakos”u 3:1 (25:23, 26:28, 21:25, 22:25) hesabı ilə məğlub edən paytaxt təmsilçisi seriyada 3:2 hesablı qələbə qazanıb.

Bununla da afinalıların 11 illik çempionluq həsrəti başa çatıb. Bu müddətdə maliyyə çətinlikləri üzündən aşağı dəstəyə də yuvarlanan “Panatinaikos” tarixində 25-ci dəfə qızıl medallara yiyələnərək “Olimpiakos”un 8 illik hegemonluğuna son qoyub.

Qeyd edək ki, Marqaritalı “Panatinaikos” bir müddət əvvəl ölkə kubokunu da əldə edib. Çempionluğu da qazanan afinalılar “Qızıl dubl”u rəsmiləşdirib.
 

0
DİGƏR XƏBƏRLƏR
Loading...