Azərbaycan millisinin sabiq voleybolçusu Katerina Jidkovanın yeni klubu bəlli olub.

Apasport.az saytının məlumatına görə, milliləşən ukraynalı legioner karyerasına Türkiyədə davam edəcək.

O, 1-ci liqanın iddialı klublarından olan “Muratpaşa”ya keçib. Sultanlar Liqasına yüksəlmək niyyətində olan Antalya təmsilçisi 32 yaşlı veteran hücumçunu böyük ümidlərlə heyətinə qatıb.

Diaqonal oyunçusunun son klubu İtaliya təmsilçisi “Kasalmagiore” olub. Lakin Katerinanın Türkiyə təcrübəsi də var. O, “Nilufer Belediyyəspor” və “Sarıyer”in formasını geyinib.

Jidkova artıq sabah yeni klubunda debüt edə bilər. O, cari mövsüm məğlub olmayan iki klubun duelində “Karşıyaka”ya qarşı görüşün heyətinə daxili ediləcək.
 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq