Voleybol üzrə milli komandaların dünya reytinqi açıqlanıb.
Apasport.az saytının məlumatına görə, Azərbaycanın kişilər və qadınlardan ibarət yığmalarının da mövqeyi bəlli olub.
Qadın millimiz 94 xalla dünyanın 42-ci komandasıdır. Voleybolçularımız ötən reytinqlə müqayisədə 10 pillə irəliləyib.
Xal hesabı dəyişməyən yığmanın bu sıçrayışı Beynəlxalq Voleybol Federasiyasının (FİVB) sanksiyaları sayəsində mümkün olub. Qurum bir sıra yığmaların aktivindən 50 xal silib. Cəzalananlardan Venesuela, Əlcəzair, Avstraliya, Misir, Kipr kimi ölkələr millimizdən geri düşüb.
Cədvəlin ilk pilləsində ABŞ yer alıb – 385 xal. Braziliya 366 xalla ikinci, Çin 350 xalla üçüncüdür.
Kişi voleybolçularımız da eyni səbəbdən irəliləyib. 96 xala malik yığmamız 51-ci yerə yüksəlib.
Komandamız sanksiyalar sayəsində 5 pillə irəliləyib. Siyahıya 399 xala malik Braziliya başçılıq edir. Polşanın 384, Rusiyanın 352 xalı var.
Oxşar xəbərlər
Ana səhifə
Bütün xəbərlər
Hesabım