Azərbaycan milli komandasının voleybolçusu Olena Həsənova karyerasını Türkiyədə davam etdirə bilər.

Apasport.az saytının məlumatına görə, ölkəmizin ən yaxşı blokçularından hesab olunun 25 yaşlı oyunçu “Türk Hava Yolları” klubunun heyətinə cəlb edilib.

O, İstanbul təmsilçisinin heyətində məşqlərə başlayıb. Son klubu “Volero Le Kann” olan Olena Türkiyə təmsilçisində baxışdadır. Həsənova özünü yaxşı tərəfdən göstərsə, Sultanlar Liqası təmsilçisi ilə müqavilə imzalayacaq.

Qeyd edək ki, 19 turdan sonra 41 xala malik “Türk Hava Yolları” 3-cü pillədə qərarlaşıb. İstanbul təmsilçisi iki oyun az keçirən “Vakıfbank” və “Fənərbaxça”dan geri qalır.
 

• Azərbaycan milliləri Avropa Liqasında iştirak edəcəklər
• Millimiz Polşaya yollanıb
• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib