Avropa Oyunlarının proqramında dəyişiklik ediləcək.

APA-nın məlumatına görə, voleybol və çimərlik voleybolu qitə miqyaslı multiidman yarışlarının proqramına daxil olacaq.

Bu, Avropa Olimpiya Komitələrinin prezidenti Yanez Koçançiç və Avropa Voleybol Konfederasiyasının rəhbəri Aleksandr Boriçiç arasında görüş zamanı razılaşdırılıb. Tərəflər hər iki idman növünün Avropa Oyunları, Yeniyetmələrin Yay Olimpiya Festivalı və Avropa Kiçik Ölkələrin Oyunlarının proqramında olmasını istəyiblər.

2015-ci ildə Bakıda keçirilən ilk yarış zamanı voleybol və çimərlik voleybolunda da qaliblər müəyyənləşib. Amma 2019-cu ildə Belarusun paytaxtı Minskdə bu növlər proqramdan kənarda qalıb.

Qeyd edək ki, III Avropa Oyunları 2023-cü ildə Polşanın Krakov şəhərində keçiriləcək.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq