Kişi həndbolçulardan ibarət Azərbaycan yığması növbəti oyununu keçirib.

Apasport.az saytının məlumatına görə, Vidadi Əliyevin baş məşqçisi olduğu komanda “İHF/EHF Trophy”də mübarizəni davam etdirir.

Gürcüstanın paytaxtı Tbilisidə keçirilən turnirin B qrupunda yer alan millimiz son turun matçına çıxıb. İlk oyununda meydan sahiblərinə 16:36 hesabı ilə uduzan yığma yenə məğlub olub. Komandamız bu dəfə Moldova qarşısında aciz qalıb – 16:28.

Bununla da yığmamız qrupda sonuncu yeri tutub. Milli 5-ci yer uğrunda qarşılaşmada digər qrupun sonuncusu Andorra ilə üz-üzə gələcək.

Qeyd edək ki, yarımfinalda Gürcüstan Bolqarıstanla, Kipr Moldova ilə görüşəcək.
 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq